Gueta na Fonte

Celtic folk, music folk. folk asturiano, Grupo de folk sinfónico y progresivo de Asturias Gueta na Fonte
Estás en:
Inicio · Asturianu

Asturianu

Presentación

Gueta na Fonte n´asturiano quier dicir "Búsqueda na Fonte"
Nos entendémoslo como "Alcuentru na Fonte"

Logotipo Gueta na FonteGueta na Fonte ye'l grupu de trabayos musicales producíu por Mento Hevia, compositor, productor y músicu asturianu, conocíu poles sos collaboraciones y grabaciones con grupos significativos de la escena musical asturiana de los más variaos estilos. Gueta na Fonte fai una propuesta musical mui especial, na que s'equilibren les formes musicales clásiques y antigues con tratamientos típicos del folclor y la producción musical contemporánea, al amestar elementos y medios basaos en nueves tecnoloxíes. A partir de les fontes de la Música Celta, entendida según los nuesos propios criterios y dientro d'ún contestu cultural más ampliu, que bien pue nomase como NeoRomanticismu Atlánticu. A nosotros gustanos llamala "Música Asturgaélica".

El nueso plantegamientu musical

Nestos momentos la gran mayoría de los temes son composiciones propies. Nel fondu, basámosnos en melodíes, ritmos y harmoníes de lo que güei se noma música antigua y tradicional que vien de fontes celtes. Tamién tocamos composiciones d'autores posteriores y actuales que caltienen esa llinia. Na forma, considerámosnos modernizadores. Usamos formes cercanes a les antigües, más evolucionaes, arreglos más actuales y tamién tocamos instrumentos modernos combinaos colos clásicos. Esí producimos una sonoridá mui amplia y variada.

Repertoriu

El repertoriu ta integráu sobre too per composiciones de Mento Hevia y por una escoyeta de canciones populares que fuimos atopando, na tradición musical d'Asturies, Galicia, País Vasco, Irlanda, Escocia, Gales, Inglaterra, Bretaña, etcétera. Son pieces na so mayoría mui antigues y actualmente poco difundíes, de gran guapura melódica y armónica, adaptaes y modernizaes por Gueta na Fonte, pa vigulín, gaites, flautes, pianu, teclaos, violonchelu, bouzuki, percusión y voces. Del mesmu mou, interpretamos composiciones d'otros compositores actuales.

Pues oyer dalgunos temes representativos na nuesa seición de galería multimedia.

© 2016 Gueta na Fonte. Valida CSS & XHTML. Diseño por Arcsin. Identificar